Lífið hefur breyst mikið á tímum COVID-19. Sumir hafa notið takmarkananna, á meðan aðrir hafa átt erfitt með þessa aðlögun og sumir upplifað sitt lítið af hvoru.
Þú gætir hafa þurft að vera í fjarnámi, haft minni tíma til að hitta vini eða þurft að hætta í vinnu. Að eyða miklum tíma heima við getur lagt auka álag á fólkið á heimilinu, og þar af leiðandi haft áhrif á þína andlegu líðan.
Áskoranir sem þú hefur mögulega upplifað:
- Minni metnaður
- Dagleg rútína úr skorðum
- Nærð ekki að klára verkefni
- Missir áhuga á því sem þér fannst áður skemmtilegt
- Aukin neysla á áfengi/fíkniefnum
- Minni hreyfing
- Auknar áhyggjur af framtíðinni
Hvað er hægt að gera?
Það getur verið erfitt að vita hvar á að byrja en hér eru nokkrar hugmyndir um hvernig er hægt að byrja
- Hugsa um skemmtilega hluti sem þig langar að gera þegar takmörkunum verður aflétt
- Skrifa niður plan til þess að hvetja þig áfram
- Biðja vini og aðstandendur um aðstoð
- Taka því rólega. Smám saman prófa sig áfram, það þarf ekki allt að gerast um leið.
- Byrja á einhverju auðveldu og færa þig síðar yfir í þau verkefni sem þér finnst erfiðari
- Ef þú hefur áhyggjur af því að smitast af COVID að gera það sem í þínu valdi stendur til að reyna að koma í veg fyrir smit, til dæmis að passa handþvott og hafa fjarlægðarmörk í huga.
- Hugsa um hvað þú myndir gera ef eitthvað fer ekki eins og þú hafðir hugsað þér. Hvað þarf ég þá að gera til að koma mér aftur af stað?
Afléttingar takmarkanna eru mikið gleðiefni fyrir suma en sumum finnst það erfið tilhugsun. Allar tilfinningar eru eðlilegar og munum bara að vera góð við okkur sjálf.
Grein þýdd af headspace.org.au