Þjónusta
Í Berginu er hægt að fá viðtal við fagaðila sem kortleggur vanda, veitir stuðning, fræðslu og ráðgjöf um þjónustu í samfélaginu og brúar brýr milli kerfa. Gert er ráð fyrir að málastjóri haldi utan um málefni hvers ungmennis og fylgi þjónustu eftir þar til ekki er lengur þörf á stuðningi.
Hægt er að fá einstaklingsviðtöl þar sem ráðgjöf og stuðningur er veittur. Ungmenni geta einnig óskað sjálf eftir stuðningi við aðstandendur sína en þjónustan er ávallt veitt á forsendum þeirra.
Markmið Bergsins er að veita stuðning og ráðgjöf fyrir ungt fólk á forsendum ungs fólks aðlaga þjónustuna og veita fræðslu sem snýr að þeirra þörfum hverju sinni.
Þú getur komið í Bergið, þú getur hringt í Bergið og þú getur spjallað við okkur í Berginu. Taktu fyrsta skrefið og smelltu á chat-hnappinn. Þú getur líka smellt á hnappinn hér fyrir neðan. Með því að óska eftir þjónustu ertu að biðja um að fá úthlutuðum ráðgjafatíma.